Arantzazuko Frantziskotar Probintzia
1230.eko urteetakoak dira gure lehen fraide-komentuak. 1878an berreraiki zuten Kantabria Frantziskotar Probintzia, aurrena Espainian. Hego EHko lau herrialdeez gain —Nafarroa ere bai—, Santander, Errioxa, Valladolid, Burgos, Soria eta Guadalajara probintziak bildu izan ditu ordutik hona Kantabria Probintziak. 2000. urteaz geroztik Arantzazuko Frantziskotar Probintzia du izena.
Arantzazuko Frantziskotar Probintziaren oharra
2023ko azaroaren 21a
Rotako Auzitegiak (Madrilen) Francisco Javier Garrido Goitia anaiari buruz jakinarazi duen epaia dela eta, Arantzazuko Frantziskotar Probintziak ondorengoa adierazi nahi du:
- Francisco Javier Garrido Goitia anaia bi “mistizismo faltsu eta aitortza eskabide” kasurengatik zigortu dute eta Rotako auzitegiak epaia berretsi du.
- Arantzazuko Frantziskotar Probintziak egindako kaltea aitortzen du; erabat baztertzen du botere-, kontzientzia-, edo sexu-gehiegikeria dakarren jokabide oro, eta barkamena eskatzen du, aitzakiarik gabe, eragindako minagatik.
- Orobat, aitortzen dugu, Probintzia gisa, ez dugula beti jakin biktimen alboan egoten prozesu honetan. Horregatik, barkamena eskatzen diegu, haiei, Elizari eta gizarteari. Prest gaude, gure ahalegin guztia, eragindako kaltea osatzera bideratzeko.
- Francisco Javier Garrido anaiari, epaiak agindutako neurriak ezarri zaizkio. Besteak-beste: ministerio eta pastoral lan guztietatik aldentzea, liburu eta artikuluak publikatzeko galerazpena eta zuzendaritza edo aholkularitza espiritualean aritzeko debekua.
- Erakunde erlijioso bezala, gure esku dauden neurri guztiak hartzen ari gara halakorik berriro gerta ez dadin, inondik ere. Horrek esan nahi du zorrotz ezarriko ditugula inplementatzen ari garen prebentzio, erreparazio, formakuntza, jokaera kode eta kanpo ikuskaritza neurriak.
- Inork gehiegikeriaren bat sufritu badu gure erakundeko kideren baten eskutik, agintarien aurrean salatzera animatu nahi dugu, telefono honetara deituta: 644781 181 edo posta helbide honetara idatzita: transparencia.arantzazu@gmail.com
Gure karisma
San Frantzisko Asiskoaren Erregelaren lehen lerroan dago adierazita fraide jarraitzaileen karisma:
"Anaia txikien Erregela eta bizimodua hauxe da: Jesu Kristo gure Jaunaren Ebanjelio santua betetzea, obedientzian, berenik gabe eta kastitatean biziz".
Horren arabera, honetara dio Ordenaren Konstituzioetako lehen artikuluak: "Anaiek, San Frantziskoren jarraitzaile direnez, Ebanjelioko bizimodua bizi behar dute erro-errotik, otoitz eta deboziozko espirituan eta anai elkartasunean; penitentziaren eta txiki izatearen testigantza eman behar dute; eta gizon-emakume guztienganako maitasunean, mundu osoari eraman behar diote Ebanjelioaren berri ona; eta, beren egintzaz, adiskidetzea, bakea eta justizia predikatu behar dute".
Gure idazkaritzak
Anai Txikien apostolutza
Bizitza ebanjelikoa soiltasunez eta bihotz-alaitasunez bizitzea.
Anai bizieraren idazkaritza
Anaidietan eguneroko bizitzaren espiritualitatea sustatzea, anaiei eta anaidiei lagun diezaiegun zentzuz, inplikazioz eta itxaropenez kokatzen bizi ditugun murriztapen-garaiotan.
Sormenezko leialtasunak: nola iraun barrutik bizirik, egiten dugun hartan eta nola egon ikasketa edo aukera berrietara irekirik.
Gazteen pastoraltzaren batzordea
Gazte-pastoraltzaren lekuko taldeei laguntzea
Gure gazteei eragitea frantziskotar kutsuko batzarretan parte har dezaten.
Ebanjelizazio idazkaritza
Gaur egun ebanjelizatzeko, agente edo eragileak sustatu eta motibatzea.
Gure ospakizunei kutsu ebanjelizatzailea ematea.
Bokazioen pastoraltza
Anaiarteei laguntzea, gaur egun anaia txikiaren bizimoldea nolakoa den era garbi, oso eta errealean adierazi eta proposatzen, beren etsenplu eta hitzez.
Bideak sustatu eta mesedetzea, pertsonek eta aspiranteek beren burua ezagutu dezaten, Jesu Kristo eta San Frantzisko gero eta hobeto deskubritu ditzaten eta beren bokazioa diszernitu ahal izan dezaten.
Sozial idazkaritza
Txikitasunean bizitzera animatu eta laguntzea gure anaiak.
Arlo Soziala indartzea gure bizitzan.
Bestelakoak
Hezkuntza eta ikasketen idazkaritza, administrazio eta obretakoidazkaritza, probintziako bibliotekaria.
Gure presentzia
Probintziak 88 bat fraide ditu, 13 anaiditan banatuta
Kuria Probintziala
Kuria Probintziala
Ministro Probintziala: Joxe Mari Arregi
Bikario probintziala: Juan Miguel Dorronsoro Mujika
Ekonomo probintziala: Manolo Pagola
Idazkari probintziala: Xebero Zinkunegi
Definitore-Kontseilariak:
Joxe Angel EgigurenÁngel Pinedo
Mikel Hernansanz
Juan Maria Martinez de Ilarduia
Juan Ignacio Larrea
Apaltasunetik, probintziaren ekimen xumeak, sarean.
Kuriaren egoitza
Duque de Mandas kalea, 39
20012 Donostia
Hitz egiteko
Telefonoa: 943282288
ofm.arantzazu@gmail.com